منتدى برامج كريزي



انضم إلى المنتدى ، فالأمر سريع وسهل

منتدى برامج كريزي

منتدى برامج كريزي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى برامج كريزي

منتدى برامج كريزي-الاحترام هو اساس تعاملنا والانتماء شعارنا


3 مشترك

    اعرفى زوج المستقبل من طريقه أكله

    dodyyy
    dodyyy
    dodyyy
    مشرفه قسم الاعضاء
    مشرفه قسم الاعضاء


    انثى
    الابراج : القوس
    عدد الرسائل : 303
    العمر : 41
    تاريخ التسجيل : 08/01/2008
    نقاط : 52
    السٌّمعَة : 3
    • مساهمة رقم 1

    اعرفى زوج المستقبل من طريقه أكله Empty اعرفى زوج المستقبل من طريقه أكله

    مُساهمة من طرف dodyyy 08.08.09 18:30


    1- النوضوع للتسليه فقط
    إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول.. فهو شخص معتدل في عواطفه وقراراته .. استعجلي الزفاف ستكوني مرتاحة معه.


    2- إذا كان بيحب الأكل زي عينيه.. وأول ما يدخل من الباب وقبل ما يقول لك ازيك يقول لك ريحة التقلية تجنن ياروحي إنتوا عاملين ملوخية ؟.. أموت أنا.. ويقعد ياكل ويحشر لحد ما يغمى عليه..
    يبقى إنسان طفس.. وهوائي.. وطايش.. وأوعي تتجوزيه أحسن ياكلك وانتي نايمة....؟؟


    3-أما إذا كان مش مهتم بالمرة.. لايقولك ده حلو ولا ده عادى ولا مالح ولا مستوي ولا لسه ني ولا بيعلق أي تعليق.. وعمره مايقولك جعان أو شبعان

    يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
    وهاتعيشي إنتي الراجل والست في وقت واحد


    4- أما إذا كان بياكل زى مايكون حد بيجري وراه وساعة الأكل بيجيله حالة صرع معوي.. ويقوم من عن الأكل قبل أي حد تاني.

    يبقى متسرع.. ومتهور في اتخاذ قراراته وممكن بعد الجواز يكتشف إنك لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..إخلعي إنتي بدري أحسن لكرامتك.


    5- أما إذا كان بياكل على مهله.. ويمزمز.. في كل صنف لوحده.. ويسأل عن كل صنف إيه مقاديره ومعمول إزاي ويقعد يستطعم في الأكل من العصر للمغرب .

    حاسبي منه يا اختي ده النوع اللي له مخ.. وبيوزن الأمور بطريقه تفقع المرارة.. ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين وبعدين يقول لك بحبك


    6- أما إذا كان بيقعد يقطع ف الأكل زي مايكون في خناقة ويخبط ف الطبق من الغل.. ويقطع حتة اللحمة زي ما يكون بيدبحها.. ويتفتف.. ويتكلم..طول ماهو بياكل

    ده شخص عصبي جدًا.. ومع أول خناقة هايروح مناولك بالكرسي في راسك أو بالسكينة في عينك يعمل لك عاهة مستديمة وبعدين.. يهدى.. ويقول لك:
    "سوووري يا روحي هي جت فيكي.. ماعاليش"

    ""ماعاليش بره يا حبيبي وخد الباب في أيدك""


    7- أما إذا كان دايمًا قرفان دايمًا مش عاجبه العجب ولا الصيام في رجب.. يعنى..

    الملوخية تقيلة.. ياي.. السمنة كتيرة على وش الشوربة.. ياساتر.. دا
    محشي ولا صوابع مووز..

    أوف.. الرز محصويل.. يامَّه المكرونة

    OAS_AD('Middle');













    معجنة..

    إذا كان كده توكلي على الله وهاتي أحمى ساطور عندك وأنا أعرف لك واحد محامي هايطلعك منها زي الشعرة من العجيييين

    والأحسن من ده كله.....

    مالها القعدة في بيت أبوكي؟؟
    • الرجوع الى أعلى الصفحة
    ياسمين
    ياسمين
    ياسمين
    عضو فعال
    عضو فعال


    انثى
    الابراج : العقرب
    عدد الرسائل : 132
    العمر : 36
    تاريخ التسجيل : 07/03/2009
    نقاط : 130
    السٌّمعَة : 3
    • مساهمة رقم 2

    اعرفى زوج المستقبل من طريقه أكله Empty رد: اعرفى زوج المستقبل من طريقه أكله

    مُساهمة من طرف ياسمين 06.10.09 18:32

    جميل جميل جميل يا دودى
    صحيح مالها قعدة بيت ابوكى
    • الرجوع الى أعلى الصفحة
    malk
    malk
    malk
    عضو فضي
    عضو فضي


    انثى
    الابراج : الاسد
    عدد الرسائل : 336
    العمر : 35
    تاريخ التسجيل : 21/08/2009
    نقاط : 388
    السٌّمعَة : 1
    • مساهمة رقم 3

    اعرفى زوج المستقبل من طريقه أكله Empty رد: اعرفى زوج المستقبل من طريقه أكله

    مُساهمة من طرف malk 07.10.09 8:04


    مالها القعدة في بيت أبوكي؟؟

    احسن حاجه تسلم ايدك


    اعرفى زوج المستقبل من طريقه أكله 74561 اعرفى زوج المستقبل من طريقه أكله 74561
    • الرجوع الى أعلى الصفحة

      الوقت/التاريخ الآن هو 15.11.24 11:20