منتدى برامج كريزي



انضم إلى المنتدى ، فالأمر سريع وسهل

منتدى برامج كريزي

منتدى برامج كريزي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى برامج كريزي

منتدى برامج كريزي-الاحترام هو اساس تعاملنا والانتماء شعارنا


+5
الكركور
البيطار
وائل منير
el azony
صبا
9 مشترك

    لا للتحرش الجنسي بالمرأه

    صبا
    صبا
    صبا
    مدير القسم الاسلامي
    مدير القسم الاسلامي


    انثى
    الابراج : الجوزاء
    عدد الرسائل : 1060
    العمر : 37
    تاريخ التسجيل : 14/03/2009
    نقاط : 1615
    السٌّمعَة : 16
    • مساهمة رقم 1

    هام لا للتحرش الجنسي بالمرأه

    مُساهمة من طرف صبا 02.08.09 2:03

    من أجل شوارع مصرية أمنة للنساء

    شهد المجتمع المصري في الآونة الأخيرة زيادة حوادث التحرش الجنسي في الشوارع. ويمكن تعريف التحرش الجنسي بأنه "أي سلوك تطفلي يكون جنسياً بطبيعته ويجعل المرأة تشعر بعدم الأمان أو عدم الراحة"، ويأخذ التحرش أشكال عدة ، تشترك جميعها في السمة الأساسية للانتهاك و ما ينتج عنها من شعور المتحرش بها بالعنف وعدم الأمان.

    وصل التحرش إلي ذروته في الشهور الماضية، فقد تلقي المركز المصري لحقوق المرأة عدد كبير من الشكاوى سواء من مصريات أو أجنبيات تعشن في مصر، فالأعداد الهائلة من التقارير التي تم تسلمها أوضحت أن هذه المشكلة قد وصلت إلي حد لا يمكن تحمله حيث أن النساء لم يعدن يشعرن بالأمان بالإضافة إلي افتقادهن إلى حرية الحركة، هذا إلي جانب إمكانية التعرض للتحرش في هيئات الدولة المعنية بحماية المواطنين ... ويقوم المركز بإعداد حملة عن التحرش الجنسي في الشوارع ....

    لمعرفة المزيد عن حملة المركز اضغط هنا لتحميل الملف
    هذا الملف خالى من الفيروسات. حجم الملف 2.054 كيلوبيت
    • الرجوع الى أعلى الصفحة
    el azony
    el azony
    el azony
    نائب الرئيس
    نائب الرئيس


    ذكر
    الابراج : العذراء
    عدد الرسائل : 2409
    العمر : 36
    تاريخ التسجيل : 14/09/2007
    نقاط : 2004
    السٌّمعَة : 12
    الاوسمه : وسام الابداع
    • مساهمة رقم 2

    هام رد: لا للتحرش الجنسي بالمرأه

    مُساهمة من طرف el azony 02.08.09 16:21

    موضوع جميل اوى وانا معاكى فيه

    بس نتكلم بصراحه وعقلانيه شويه


    معظم الناس طبعا عارفه الحال اللى احنا فيها اقصد الفقر
    وحاليا تاخر سن الزواج بدرجه كبيره جدا بسبب حاله الفقر

    وكمان بعد الناس عن طريق ربنا
    ومعلش اكترهم البنات وانا بخص ده عن تجربه

    ولو مش مصدقنى انزلوا الشوارع وبالاخص الشوارع الزحمه وشوفوا البنات لابسه هدوم عامله ازاى
    الكلام ده كان موجود فى المدن فقط ةلكن دلوقتى الكلام ده موجود فى جميع مناطق الجمهوريه حتى فى الريف الفقير وبطريقه غبية جدا

    وبعد كده ترجعوا العيب على الولاد وتقولوا ذئاب

    هو ده يرضى ربنا

    ده راييى
    ولو انا غلطان قولولى الصح
    • الرجوع الى أعلى الصفحة
    صبا
    صبا
    صبا
    مدير القسم الاسلامي
    مدير القسم الاسلامي


    انثى
    الابراج : الجوزاء
    عدد الرسائل : 1060
    العمر : 37
    تاريخ التسجيل : 14/03/2009
    نقاط : 1615
    السٌّمعَة : 16
    • مساهمة رقم 3

    هام رد: لا للتحرش الجنسي بالمرأه

    مُساهمة من طرف صبا 02.08.09 20:14

    فى الأول أحب أوضح حاجة
    البنات مش أكترهم بعاد عن ربنا ، مش بدافع عنهم وده مش تحيز لجنسي
    إسمع حضرتك الشيوخ واللي بيقولوه عن ان البنات أكتر بيقربوا لربنا ، لأن أساسا ربنا خالق المرأة أكثر ثباتا من الرجل .

    اما بالنسبة للبس ، من منطلق اني بنت وليه صحبات كتير (منهم الملتزمين والحمد لله ومنهم اللي جواهم خير كبير وبجد عايزين يظبطوا نفسهم زي ما ربنا عايز وان شاء الله ربنا يهديهم ) عايزه أوضح حاجة
    مش كل البنات نيتهم مش سليمة وتفكيرهم وحش وبتكلم عن واحدة اعرفها مش كان تفكيرها فى حاجة زي ما كان تفكيرها انها تلبس لبس كويس وشكله حلو ومكانتش مش هقول تعرف انه غلط زي ما هقول انه مكنش فيه حاجة دخلت فلبها ومش كانت تحب الولاد أساسا يعني مش بغرض وحش
    أعرف طبعا ان فيه تفكير مختلف من البنات لكن ليه حد يدي لنفسه الحق انه يمد ايده على واحده لمجرد انها لابسه ضيق
    يعني ايه سن الجواز أتاخر او فقر نرجع بقى لربنا

    حاجة تانية أهم بالنسبة لي فيه سبب رئيسي في المناظر اللي بنشوفها ممكن احنا نساهم فيه في الحكاية دي أو غيرها وهوا التربية
    ان شاء الله لو نوينا كلنا واحنا كل واحد مننا بيكون بيته الجديد انه يربي ولاده وبناته زي ما ربنا عايز بيتهيألي ده هغير كتير من مجتمعنا

    شكرا لحضرتك يا استاذ محمد
    • الرجوع الى أعلى الصفحة
    el azony
    el azony
    el azony
    نائب الرئيس
    نائب الرئيس


    ذكر
    الابراج : العذراء
    عدد الرسائل : 2409
    العمر : 36
    تاريخ التسجيل : 14/09/2007
    نقاط : 2004
    السٌّمعَة : 12
    الاوسمه : وسام الابداع
    • مساهمة رقم 4

    هام رد: لا للتحرش الجنسي بالمرأه

    مُساهمة من طرف el azony 03.08.09 16:57

    معلش انا ليا تعقيب على الكلام اللى حضرتك كتبتيه فى الرد

    حضرتك بتقولى ان البنات اكتر ثباتا من الرجال
    ده باماره لما الشيطان وسوس لستنا حوا
    ولو اكتر ثبات كان ربنا جعل النساء قوامون مش العكس
    ومعلش اكبر دليل كمان دلوقتى شوفى حالتك او حالة اى بنت هتقرا الرد بتاعى
    هيبقى حالها ايه اكيد متنرفزه ومتضايقه من الكلام اللى انا كاتبه وده دليل

    ثانيا انتى اتكلمتى عن صحباتك ومثال اللى انتى كتبتيه
    انتى بتقولى واحده عايزه تلبس كويس
    هل اللبس الضيق اللى بيبين كل مفاتن المراه ده يرضى ربنا وانتى عارفه راى الشيوخ وراى الدين لانك بتقراى وتسمعى اكتر منى
    وبعدين بتتكلمى عن التربيه
    الواحد بيفضل طول عمره محترم وماشى كويس وفجأه يتحول 180 درجه لانه طبيعى مفيش حد كامل
    يبقى انتى عايزه يبقى فى واحد محاط بكل الظروف دى وكل المغريات دى ويسكت
    انا عن نفسى معتقدش انى افضل ماسك نفسى كده على الاقل هارمى كلمه دى الصراحه
    واى حد تانى يقول غير كده يبقى كداب معلش وانا بقول وعارف بقول ايه

    ده راييى بصراحه واعتقد انه صح مش غلط
    • الرجوع الى أعلى الصفحة
    وائل منير
    avatar
    وائل منير
    عضو جديد
    عضو جديد


    ذكر
    الابراج : السرطان
    عدد الرسائل : 5
    العمر : 31
    تاريخ التسجيل : 04/08/2009
    نقاط : 5
    السٌّمعَة : 0
    • مساهمة رقم 5

    هام رد: لا للتحرش الجنسي بالمرأه

    مُساهمة من طرف وائل منير 04.08.09 4:55

    شكرا كتير على الموضوع الحلو
    • الرجوع الى أعلى الصفحة
    صبا
    صبا
    صبا
    مدير القسم الاسلامي
    مدير القسم الاسلامي


    انثى
    الابراج : الجوزاء
    عدد الرسائل : 1060
    العمر : 37
    تاريخ التسجيل : 14/03/2009
    نقاط : 1615
    السٌّمعَة : 16
    • مساهمة رقم 6

    هام رد: لا للتحرش الجنسي بالمرأه

    مُساهمة من طرف صبا 04.08.09 20:55

    الأستاذ عمرو خالد كان قال في برنامج دعوة للتعايش ان دلوقتي كل واحد بيحاول يقحم اللي قدامه في الرأي عشان يثبت انه صح ويهزم اللي قدامه 
    اما زمان الأئمة الأربعة كانوا غير كده 
    وبالعكس أنا مش مضايقة من كلام حضرتك وبحمد ربنا ، الحمد لله وأنا بنت أهوه 
    ان شاء الله انتظر موضوعين هحاول ادور عليهم مش لا ثبات اني صح
    ( حواء ليست سبب لنزول ادم على الأرض ـ النساء أكثر ثباتا من الرجل )
    وانما لتصحيح معلومة وافادة ان شاء الله
    وأستغفر الله ان كانت نيتي غيرذلك 
    اما بالنسبة لكلمة اللبس الكويس ، بعتذر بس ده حال بعض البنات وربما الولاد كمان فيه منهم اللي شايفينه كويس ادام مش عريان
    اما بالنسبة لقولك أكيد هرمي كلمة اللي حضرتك قولتها 
    مش هقول غير ان ربنا أمرنا بغض البصر
    ومليش دعوة بقى كل واحد بيتحاسب على نفسه  
    • الرجوع الى أعلى الصفحة
    el azony
    el azony
    el azony
    نائب الرئيس
    نائب الرئيس


    ذكر
    الابراج : العذراء
    عدد الرسائل : 2409
    العمر : 36
    تاريخ التسجيل : 14/09/2007
    نقاط : 2004
    السٌّمعَة : 12
    الاوسمه : وسام الابداع
    • مساهمة رقم 7

    هام رد: لا للتحرش الجنسي بالمرأه

    مُساهمة من طرف el azony 06.08.09 18:47

    معلش انا مش بسمع عمرو خالد ولا بحبه اصلا ومش بعتبره داعيه

    وبعدين بالنسبه للموضوعين اللى عايزه تنزليهم اعتقد انك مش هتلاقى اثباتات ولو لاقيتى هتبقى اعتقد ملفقه

    وانا مش بقول كده علشان اضايقكم ولكن انا بقول وجهة نظرى اللى انا شايفها

    وياريت راييى مش يكون زعل حد
    • الرجوع الى أعلى الصفحة
    صبا
    صبا
    صبا
    مدير القسم الاسلامي
    مدير القسم الاسلامي


    انثى
    الابراج : الجوزاء
    عدد الرسائل : 1060
    العمر : 37
    تاريخ التسجيل : 14/03/2009
    نقاط : 1615
    السٌّمعَة : 16
    • مساهمة رقم 8

    هام رد: لا للتحرش الجنسي بالمرأه

    مُساهمة من طرف صبا 07.08.09 0:00

    لأا زعل حد برضه
    هوا حضرتك بتقول حاجة تزعل

    أعوذ بالله
    مش هتلاقي اثباتات ، ولو هلاقي هتبقى ملفقه
    يعني ياريت يكون فيه شوية مرونة

    وعلى فكره كده خرجنا أوي عن الموضوع الأصلي
    • الرجوع الى أعلى الصفحة
    البيطار
    البيطار
    البيطار
    رئيس المنتدى
    رئيس المنتدى


    ذكر
    الابراج : الميزان
    عدد الرسائل : 1241
    العمر : 37
    تاريخ التسجيل : 02/09/2007
    نقاط : 1189
    السٌّمعَة : 34
    • مساهمة رقم 9

    هام رد: لا للتحرش الجنسي بالمرأه

    مُساهمة من طرف البيطار 07.08.09 11:18

    فعلا يا صبا عندك حق تما م في الموضوع

    انا مع محمد في شويه حاجات طبعا

    وعكسه تمام لانى بحب عمرو خالد على الرغم من انه بيخطأ

    الا انه ليه مزايا كبيره جدا وكان له فضل بعد ربنا في هدايه ناس كتير

    فياريت نحتويه والشيوخ الكبار يصلحلوله اخطائه ونستفادد من مهاراته
    • الرجوع الى أعلى الصفحة
    الكركور
    الكركور
    الكركور
    مشرف الضحك
    مشرف الضحك


    ذكر
    الابراج : العذراء
    عدد الرسائل : 600
    العمر : 37
    تاريخ التسجيل : 15/08/2008
    نقاط : 266
    السٌّمعَة : 2
    الاوسمه : وسام الابداع
    • مساهمة رقم 10

    هام رد: لا للتحرش الجنسي بالمرأه

    مُساهمة من طرف الكركور 07.08.09 16:09

    اولا شكرا وتقدير للموضوع
    وكاتبة هذا الموضوع

    اما بعد

    ظاهرة التحرش الجنسى وصلت فعلا الى ذروتها

    ولكن ها التحرش ياتى من جانب الرجال فقط
    انه ايضا منبع من منابع الشهوه عند النساء

    فمن اسلحة المراءة اثارة شهوة الرجل

    ولكن امرنا الرسول بالعفه لكى نحفظ اعراضنا ونحفظ فروجنا

    وقال رسول الله صلى الله عليه وسلم
    فيما معنى الحديث
    ما حفظ لسانه وفرجيه ضمنت له الجنه

    اذا تكلمنا عن اللسان
    فالرءه جدير بالمركز الاول فى اهدار هذا الضمان

    اما الفرج ففى هذه الايام نرى انا البنات والنساء
    قد يصرون على على اغضاب ربهة واثارة الرجل
    اولا تخلت عن الحجاب الذى امر به الاسلام
    ثانياتخلو عن القدر الكافى من التقدير الذى اعطاهم الاسلام اياه
    ثالثا ابدعو وفننوا فى كيفيه اتقان كل انواع التبرج
    رابعاوجدنا فى هذه الايام بعض وليس بالقليل من النساءقد اصروا على ان يكونا العامل الر ئيسى فى وقعهم تحت سيف التحرش

    وامرنا الرسول بغض البصر

    وامرنا ايضا بكف الاذى وما تفعله النسا ء بالترج والانحلال

    انه لاذى لها اولا وللرجل والرجل انسان ليس بملاك

    وقال رسول الله
    لا يدخل الجنه ديوس
    قيل وما هو الديوس يا رسول الله قال هو الجل الذى لا يغار على اهل بيته

    فكيف لرجل يوافق على خروج بناته اشبه بالعراى وينتظره بعد الساعه الوحد صباحا
    قادمين الى البيت وهم متوجن بتاج العفه

    لا قد تكون فقدته ولكن اجبرت شخص ما على انتزاعه وان اكرما الله بحفظه مره وثانيه وثالثه
    وهى على طريق العصيان والانحلال
    فسوف تصرخ فى يوم ولم تجد ملاك الرحمه ان ذاك

    اما ان تترك تاجها مكمله طريقها

    وهذا الراى اعتقد انه الصواب

    وعلى فكر ة

    ارجو من كاتبة الموضوع عند الاستشهاد براى او شى ما

    اما ان يكون قران اما حديث

    لا لعمرو خالد
    لانه جمح بعدا عن مضون الدين والدعوه

    محاولا تيسير الدين لدرجة انه احل بعض المحرمات

    ولا تستموا اليه كثير لانه

    كسحابه الصيف توهمنا بالظل ولكنها لا تمنع عنا لهيب الشمس
    • الرجوع الى أعلى الصفحة
    صبا
    صبا
    صبا
    مدير القسم الاسلامي
    مدير القسم الاسلامي


    انثى
    الابراج : الجوزاء
    عدد الرسائل : 1060
    العمر : 37
    تاريخ التسجيل : 14/03/2009
    نقاط : 1615
    السٌّمعَة : 16
    • مساهمة رقم 11

    هام رد: لا للتحرش الجنسي بالمرأه

    مُساهمة من طرف صبا 07.08.09 19:53

    في البداية جزاكم الله خيرا

    لكن ليس لبس المرأة مبرر لاستحلالها

    وقد قص علينا القرآن قصة من قصص الشباب مع الشهوة ليتخذ شبابنا منها قدوة وأسوة ودرسًا عمليًا في كيفية التعامل مع مثل هذه المواقف، ويتعرف على الأسباب المعينة على الخلاص من ورطاتها.

    إن الواقع الذي عاشه يوسف عليه السلام هو في الحقيقة أشد من أي واقع يقابله شاب منا، فلقد تهيأت له كل أسباب الفاحشة ودواعيها :
    فالشباب والقوة والشهوة متوفرة؛ فقد كان في عنفوان شبابه، وهو يحتاج لتصريف شهوته وهو عزب، ولا مصرف له حلال، وقد بذلت له ولم يسع إليها..
    والمرأة جميلة؛ فهي زوجة العزيز ومثله لا يتزوج إلا بأجمل النساء.
    ولا خوف من العقوبة؛ فالمرأة هي الطالبة والراغبة، وقد طلبت وأرادت بل وراودت، فكفته مؤنة التلميح أو التصريح بالرغبة.
    وقد أغلقت الأبواب عليهما ليكونا في مأمن، ولترفع عنه حرج الخوف من الفضيحة.
    ثم هو غريب في بلد لا يعرفه أحد؛ فلا خوف من أن يفتضح، وهو خادم وهي سيدته، فهو تحت سلطانها وقهرها، فيخاف إن لم يجبها أن يطوله أذاها.
    وقد عانى عظم الفتنة وشدة الإغراء.. فالمرأة لا شك قد أعدت للأمر عدته وبيتته بليل وخططت له، فدخلت وأغلقت الأبواب كل الأبواب، وبدأت في المراودة، ومثل هذه لابد أنها تزينت بكل زينة وجمعت كل فتنة، فما ملك إلا الهرب، وأنقذه هذه المرة وجود سيده لدى الباب رغم أن ردة فعله كانت مخيبة للآمال.

    تكرر الإغراء
    لقد تكرر الموقف لا شك مرات، وقد هددته وتوعدته وخوفته بالسجن، ورأى جرأتها على زوجها وقدرتها على تنفيذ أمرها، وإصرارها على تحصيل مبتغاها في قضاء وطرها، والإعلان بذلك أمام النسوة في وقاحة وعدم حياء أو خوف، مع أمنها مكر زوجها؛ فهو كأكثر رجال هذه الطبقة لا يمثل الطهر والشرف كبير قيمة لديهم وهذا ظاهر من موقفه: {يوسف أعرض عن هذا واستغفري لذنبك إنك كنت من الخاطئين}[يوسف:29].

    لقد أعلنتها صريحة: {ولقد راودته عن نفسه فاستعصم ولئن لم يفعل ما آمروه ليسجننَّ وليكونًا من الصاغرين}[يوسف:32]. فما وجد الصدّيق بعد كل هذا إلا أن يعتصم بالله، وأن يقدم رضًا الله على هوى النفس، بل ويرضى بالسجن (وأرجو أن نلاحظ ذلك) ترك اللذة والشهوة، وآثر عليها السجن بما فيه، وهو لا يدري متى سيخرج منه، ولعله لا يخرج أبدًا، لكنه كان أحب إليه من رغبة الشباب ولذة الحرام، فأطلقها صريحة: {رب السجن أحب إليَّ مما يدعونني إليه وإلا تصرف عني كيدهنَّ أصب إليهنَّ وأكن من الجاهلين}[يوسف:33].

    إننا نحتاج إلى استحضار هذا الموقف وأشباهه لنتخذه أنموذجًا يحتذى، ومثلاً يقتدى، ونتشبث بما تشبث به يوسف لننجو من أغلال الشهوة وذل المعصية.

    قوارب النجاة:
    لقد تمسك الصادق العفيف "يوسف" بأمور كانت سببًا بعد توفيق الله وحفظه في عصمته وصيانته، ولو تمسك بها كل واحد منا لبلغ بأمر الله بر الأمان كما بلغه يوسف:

    أولها: خوف الله ومراقبته
    لقد كان في خلوة لا يراه من البشر أحد، والضغوط كلها عليه، ومداخل الشيطان كثيره، فما بحث عن تبريرات، ولا استسلم لوخز الشهوات واستحضر في ذلك الموقف العظيم خوفه من الله تعالى ومراقبته له، وتعظيمه لحق الله تعالى فقال لما راودته بملء فيه: {معاذ الله}، {إنه لا يفلح الظالمون}.

    وما أجمل هذا الخوف وما أجل عاقبته التي أخبر بها نبينا صلى الله عليه وسلم في حديث السبعة الذين يظلهم الله في ظله يوم لا ظل إلا ظله ومنهم: "...ورجل دعته امرأة ذات منصب وجمال فقال إني أخاف الله...".

    ثانيها: توفيق الله وحفظه لعبده:
    فلما رأى الله تعالى منه صدقه وصبره صرف عنه السوء وصرفه هو عن السوء صيانة له وتكريما وجزاء على عفته: {كذلك لنصرف عنه السوء والفحشاء إنه من عبادنا المخلصين}[يوسف:24].

    ثالثها: فراره عن أسباب المعصية:
    فلما رأى منها ما رأى، وخاف على نفسه فر منها وهرب إلى الباب يريد الخروج، وهي تمسك بتلابيبه وهو يشد نفسه وينازعها حتى قدت قميصه من شدة جذبها له وشدة هربه منها.

    وهذا الفرار هو أعظم أسباب النجاة، فالفرار من الأسواق المختلطة، والفرار من المتنزهات، والفرار من الخلوة بالأجنبيات، وصيانة النظر عن رؤية المحرمات والعورات، والبعد عن مواقع الشهوة والعري في النت والفضائيات، كلها من أسباب الفرار بالدين من الفتن .. وخلاصتها غض الأبصار عن الوقوع في حمى الأخطار.

    كل الحوادث مبدأهـــا من النظــر *** ومعظم النار من مستصغر الشرر
    كم نظرة بلغت من قلب صاحبها *** كمبلغ السهم بين القــــــوس والوتر
    يســــر مقلته ما ضــــــر مهجته *** لا مرحـــــبا بسرور جاء بالضرر

    ومن صدق الفرار أن يفر الواحد منا من قرناء السوء الذين يذكرونه بالمعاصي، ويحدثونه عنها وعن سبلها ووسائلها وكيفية الوصول إليها، بل ويمدونه بها وييسرونها عليه،، فهؤلاء معرفتهم في الدنيا عار وفي الآخرة خزي وبوار .

    ومن أراد السلامة فليلزم أهل التقى ومواطن الخير وأصحاب العبادة كما قال العالم لقاتل المائة نفس: "ودع أرضك هذه فإنها أرض سوء واذهب إلى أرض كذا فإن فيها قوما يعبدون الله تعالى فاعبد الله معهم".

    رابعها: الدعاء والالتجاء إلى الله:
    فقلوب العباد بين إصبعين من أصابع الرحمن يقلبها ويصرفها كيف يشاء، فهو سبحانه القادر أن يثبت قلبك ويصرف همم أهل السوء عنك، والتوفيق كله بيده، والخذلان أن يكلك إلى نفسك. وقد علم يوسف ذلك؛ فالتجأ إلى الحصن الحصين والركن الركين: {وإلا تصرف عني كيدهم أصب إليهنَّ وأكن من الجاهلين * فاستجاب له ربه فصرف عنه كيدهنَّ إنه هو السميع العليم}[يوسف:33، 34]. فإذا أردت العصمة فاعتصم بربك: {ومن يعتصم بالله فقد هدي إلى صراط مستقيم}[آل عمران:101].

    خامسها: تهويل خطر المعصية:
    فقد رأى الكريم أن الفاحشة أمر عظيم وخطب جليل، وتجرؤ على حدود الله خطير، وتفكر في عقوبة الآخرة، فهانت عليه عقوبة الدنيا، فاختار السجن ومرارته على أن يلغ في عرض لا يحل له، أو أن يقضي وطرًا في غير محله: {قال رب السجن أحبُّ إلي مما يدعونني إليه}[يوسف:33].

    سادسها: الاعتصام بالإيمان:
    فالإيمان يصون أهله ويحمي أصحابه، ومن حفظ الله تعالى حفظه الله في دينه ودنياه وأهله وأخراه، وما عصم يوسف عليه السلام إلا الإيمان بربه وصدقه معه وإخلاصه له، وقد سجل الله له ذلك فقال: {إنه من عبادنا المخلصين}[يوسف:24].

    الزواج أو الصوم:
    لقد عالج رسول الله صلى الله عليه وسلم مشكلة الشهوة عمليًا بدعوة القادرين على سرعة إعفاف النفس، وكذلك الآباء على سرعة تزويج أبنائهم لرفع الحرج عنهم ودفع القلق وجلب الاستقرار النفسي والاجتماعي، فإن دعت الظروف وامتنعت القدرة فاللجوء إلى الصوم، فإنه يقطع الشهوة ويحطم جموح النفس: "يا معشر الشباب من استطاع منكم الباءة فليتزوج، فإنه أغض للبصر وأحصن للفرج. ومن لم يستطع فعليه بالصوم فإنه له وجاء".

    تذكر عاقبة العفة:
    وهو معين للشاب على هجر الفاحشة ومقاومة الشهوة الجامحة أن يتذكر عاقبة العفة الدنيوية والأخروية. فأهل العفة هم أهل ثناء الله وفلاح الآخرة: {قد أفلح من تزكى}[الأعلى:14]. {والذين هم لفروجهم حافظون.... أولئك هم الوارثون الذين يرثون الفردوس هم فيها خالدون}[المؤمنون:5].
    وأهل العفة هم أهل المغفرة والأجر العظيم: {والحافظين فروجهم والحافظات والذاكرين الله كثيرًا والذاكرات أعد الله لهم مغفرة وأجرًا عظيمًا}[الأحزاب:35].
    وأهل العفة هم أهل الجنة: "من يضمن لي ما بين لحييه وما بين رجليه أضمن له الجنة".
    ثم تذكر الإحساس بلذة الانتصار على النفس والشيطان، والتخلص من رقة المعصية ومذلة الذنب وكسرة النفس والقلب، وخوف عقوبة الآخرة.

    وللأسرة دور أيضًا: فغرس الإيمان في القلوب بحسن التربية والتنشئة، من الوسائل المعينة

    نسأل الله أن يصرف عن شباب المسلمين كل مكروه وسوء. والله خير حافظا وهو أرحم الراحمين
    • الرجوع الى أعلى الصفحة
    *semsama*
    *semsama*
    *semsama*
    نائبه الرئيس
    نائبه الرئيس


    انثى
    الابراج : الاسد
    عدد الرسائل : 2035
    العمر : 35
    تاريخ التسجيل : 17/08/2008
    نقاط : 1416
    السٌّمعَة : 15
    الاوسمه : التميز الاداري
    • مساهمة رقم 12

    هام رد: لا للتحرش الجنسي بالمرأه

    مُساهمة من طرف *semsama* 07.08.09 20:48

    ']']']']

    ooook ooook ooook

    نسأل الله أن يصرف عن شباب المسلمين كل مكروه وسوء. والله خير حافظا وهو أرحم الراحمين
    • الرجوع الى أعلى الصفحة
    صبا
    صبا
    صبا
    مدير القسم الاسلامي
    مدير القسم الاسلامي


    انثى
    الابراج : الجوزاء
    عدد الرسائل : 1060
    العمر : 37
    تاريخ التسجيل : 14/03/2009
    نقاط : 1615
    السٌّمعَة : 16
    • مساهمة رقم 13

    هام رد: لا للتحرش الجنسي بالمرأه

    مُساهمة من طرف صبا 07.08.09 23:09


    بلاش الاستشهاد بالأستاذ عمرو خالد

    ده فيديو ممكن يفيد للشيخ محمد حسان


    • الرجوع الى أعلى الصفحة
    MUNNY
    MUNNY
    MUNNY
    مدير القسم الخاص بالاعضاء
    مدير القسم الخاص بالاعضاء


    انثى
    الابراج : الدلو
    عدد الرسائل : 1660
    العمر : 33
    تاريخ التسجيل : 17/09/2008
    نقاط : 745
    السٌّمعَة : 5
    • مساهمة رقم 14

    هام رد: لا للتحرش الجنسي بالمرأه

    مُساهمة من طرف MUNNY 09.08.09 0:15

    اولا انا مكنتش هادخل ارد على الحوارات دى كلها
    بس فى الاول لازم اشكر صبا على الموضوع الجميل اوى ده وهو موضوع حيوى لاتخلو منه الشوارع المصريه يوميا

    وطبعا اشكر محمد على شخصيته الجدليه الرائعه اللى بتميزه فى المنتدى
    وكركور والبيطار برضه ردودهم رائعه

    بس ليا راى شخصى فى حاجه :وكلمة راى شخصى يعنى مش بفرضه على حد ده رايى انا

    اولا عمرو خالد: ده انسان انا عن نفسى بحترمه لانى شايفه انه بيوجه الشباب للطريق الصح بطريقه هما يتقبلوها
    واذا غلط فى حاجه فهو انسان ومش معصوم من الخطأ

    وليا تعقيب على الاراء..........................

    اولا : راى محمد العزونى

    بص يا محمد هو الطرفين غلطانين سواء البنات او الولاد والغلط بالتساوى

    البنت غلطانه انها منفذتش اوامر اللى خلقها وملبستش محترم وشئ يصون جسدها
    والولد برضه غلطان انه منفذش اوامر اللى خلقه ومغضش بصره

    فبالتالى الغلط متساوى


    لكن فى حد ممكن يرد عليا يقولى طب ما البنت هى اللى بدأت بالغلط انها لبست ضيق

    هارد عليه واقوله مثال بسيط ...................

    فى ناس احنا بنقلدهم فى كل حاجه الا الصح بناخد منهم كل شئ غلط وهما بياخدوا مننا كل شئ صح ويطوروا على طرازهم واسلوبهم وينسبوه لنفسهم اكيد فهمتوا هما مين (((((((((((((( الدول الغربيه)))))))))))))))))))

    احنا عارفين انهم فيهم ناس مش مؤمنه بربنا وانهم ناس ملحدين لكن عمرنا ما كان عندنا شعور الغيره منهم

    ناس متحضره وبتحترم حرية بعضها البعض ومنظمه لوقتها ومهتمه بعملها وملهومش دعوه غير باللى يخصهم فقط
    عمرنا ما غيرنا منهم انهم بيتحلوا بالصفات اللى المفروض احنا المسلمين نكون اولى بيها

    مثلا عمرك ما تلاقى واحده لابسه اى حاجه وحد يبصلها عمرك ما تلاقى اتنين منهم بيتناقشوا وفى اخر النقاش يغلطوا فى بعض ويتخانقوا

    انا مقلتش اننا مفروض نقلدهم لكن المفروض اننا نغير منهم ونحس ولو لمره واحده اننا احسن منهم ونتحلى بالصفات الاخلاقيه اللى المفروض هما يقلدونا فيها

    لكن للاسف كل ده نسيناه

    وطبعا يا كركور دى مش استشهادات عشان متقولش انى لما اجى استشهد لازم استشهد بالقرآن والسنه

    ده شئ اجبارى طبعا انى لازم استشهد بيهم لكن افرض ان اختك صبا مثلا مكانش فى ذهنها ايه قرآنيه او حديث شريف لكنها استشهدت بمثال من الحياه العاديه


    للاسف يا اخونا احنا سبنا الموضوع الاساسى ومسكنا فى الفروع

    مجاش فى بالك يا محمد وانت بتقول لصبا ان البنات هما اللى بيقصدوا انهم يلبسوا ضيق عشان يعجبوا الشباب وانكم ليكوا الحق انكوا ترموا اى كلمه عليهم

    ان فى بنت تانيه بتبقى ماشيه باحترامها وبكل ادب ولبسها غير ملفت وبرضه تتعاكس وتسمع كلام يخدش حيائها
    بدل ما نقف كلنا فى صف الحق بالعكس بنبرر اخطائنا وكل انسان بيرمى غلطه على شماعة غيره

    مفيش ولد عمره حط نفسه مكان اى بنت بتكون ماشيه فى الشارع وهى خايفه ان اى ولد يأذى مشاعرها بكلمها او خايفه على عرضها اللى هو اغلى شئ عندها ان حد يمسه باى اذى
    يا اخونا ده سيدنا محمد صلى الله عليه وسلم قال فى حديث شريف     ((استوصوا بالنساء خيرا فإن المرأة خلقت من ضلع أعوج وإن أعوج ما في الضلع أعلاه ..))
    يعنى مهما حصل لازم يكون فى تصرفتنا شئ من النقص وعدم الكمال وده شئ مفروض انتوا كرجال مش تاخدوه شئ سلبى علينا بل بالعكس ده حافز يخليكوا تحسنوا معاملتنا
    واذا كنت بتقول يا عزونى انكوا اكثر مننا ثباتا وانكم قوامين علينا فده شئ ربنا خص بيه جنس الرجال وليس فردهم يعنى كم من نساء غلبت رجال فى العقل والكمال الفكرى والجنس اعم من الفرد يعنى القوام لجنس الرجال وليس لفردهم

    وبعدين اى ولد ربنا لازم يختبر صبره وقوة تحمله ممكن تكون انت طالع من جامع ولسه خارج من الصلاه وتعدة من ادامك بنت مش مهزبه فى لبسها ربنا بيشوفك هترمى كلمه عليها ولا تغض بصرك وتقول يارب اهديها هى واللى زيها
    فدائما النظره الاولى ليك والثانيه عليك

    يارب ياجماعه ربنا يهدى شباب وبنات امة محمد صلى الله عليه وسلم جميعا ويكملهم بايمانهم ودينهم وعقلهم

    وشكرا يا صبا على الفيديو الجميل وياريت اخواتنا يتعلموا منه حاجه

    واذا حد معجبهوش اى كلمه من كلامى انا بكرر ده رايى الشخصى مش راي عام بفرضه عليكوا

    واسال الله المغفره
    • الرجوع الى أعلى الصفحة
    SARA
    SARA
    SARA
    مديرة قسم المرأه العربية
    مديرة قسم المرأه العربية


    انثى
    الابراج : الحمل
    عدد الرسائل : 936
    العمر : 33
    تاريخ التسجيل : 09/11/2007
    نقاط : 361
    السٌّمعَة : 3
    الاوسمه : ملكه الازياء
    • مساهمة رقم 15

    هام رد: لا للتحرش الجنسي بالمرأه

    مُساهمة من طرف SARA 09.08.09 5:46

    confused ']']']'] ']']']'] ']']']'] ']']']']
    انا متفقه معاكى تماما فى كل الى قولتيه يا مانى
    • الرجوع الى أعلى الصفحة
    el azony
    el azony
    el azony
    نائب الرئيس
    نائب الرئيس


    ذكر
    الابراج : العذراء
    عدد الرسائل : 2409
    العمر : 36
    تاريخ التسجيل : 14/09/2007
    نقاط : 2004
    السٌّمعَة : 12
    الاوسمه : وسام الابداع
    • مساهمة رقم 16

    هام رد: لا للتحرش الجنسي بالمرأه

    مُساهمة من طرف el azony 09.08.09 15:35

    تسقيفه جامده اوى يامانى
    رد مفيش بعد كده
    انا كان ردى مش المقصود منه الرخامه ولكن اللى نرفزنى ان صبا رمت الغلط كله على الولاد لكن زى مانتى قولتى ان الغلط بالتساوى

    وانا اتمنى ان الظواهر دى تيب مجتمعنا وانا بكررمكنش قصدى اضايق حد




    وبعدين صحيح لنتوا مش ملاحظين ان اللى رد على الموضوع ده اداره المنتدى بس

    انا عندى فكره اننا نجتمع كلنا (ادارة المنتدى ) كل اسبوع فى وقت معين على الشات ونتناقش فى مستقبل المنتدى وكل واحد يقول افكاره ومقترحاته ايه رايكم

    وبقترح انه يكون يوم الجمعة او الخميس
    • الرجوع الى أعلى الصفحة
    sama
    sama
    sama
    مديره القسم العلمي
    مديره القسم العلمي


    انثى
    الابراج : السمك
    عدد الرسائل : 1411
    العمر : 34
    تاريخ التسجيل : 29/08/2008
    نقاط : 623
    السٌّمعَة : 0
    • مساهمة رقم 17

    هام رد: لا للتحرش الجنسي بالمرأه

    مُساهمة من طرف sama 09.08.09 18:31

    السلام عليكم يا جماعه
    بصراحه موضوع مهم جدا يا صبا اللى انتى فتحتيه
    وانا مع مانى فعلا انه الغلط بيبقى على الولد والبنت
    بس كمان انا شايفه انه شويه زياده على البنت
    وربنا يهدى جميع شباب المسلمين
    • الرجوع الى أعلى الصفحة
    صبا
    صبا
    صبا
    مدير القسم الاسلامي
    مدير القسم الاسلامي


    انثى
    الابراج : الجوزاء
    عدد الرسائل : 1060
    العمر : 37
    تاريخ التسجيل : 14/03/2009
    نقاط : 1615
    السٌّمعَة : 16
    • مساهمة رقم 18

    هام رد: لا للتحرش الجنسي بالمرأه

    مُساهمة من طرف صبا 10.08.09 9:03



    شكرا ليكم يا جماعة وطبعا شكر خاص لماني
    بس أنا مكنش قصدي ان البنات مش غلطانين ، لأا طبعا
    غلطانين وغلط كبير كمان ، وان كان أغلب البنات بيلبسوا كده عشان حب الظهور نفسه ومش أكتر من كده حتى بين بعضهن يعني مش الهدف بنسبة كبيره الشباب
    بس الأهم واللي بتطرحه الحمله نفسها
    فكرة انه مش من حق أي شاب ان كان طبيعي مش شاذ أو منحرف
    انه يمد ايده على جسم بنت ( بصراحة ) مش هقول معاكسه بالألفاظ لأا
    فكرة انه انتي لابسه كده يعني خلاص
    انتي مستحله ليا ،
    هوا ده اللي عايزه أوصله للكل ، وأحب أوضح حاجة مهمة طبعا مش أكيد إن رأيي هوا الصح
    في النهايه كل واحد مننا ليه رؤيه والأهم من كده ان كل واحد مننا هيتحاسب على أفعاله من ربنا

    ياريت اللي مش متفق معايا يتفهم على الأقل وجهة نظري

    ربنا يهدي كل بنت وكل ولد
    ولكم جميعا خالص احترامي وتقديري وإعزازي
    • الرجوع الى أعلى الصفحة
    el azony
    el azony
    el azony
    نائب الرئيس
    نائب الرئيس


    ذكر
    الابراج : العذراء
    عدد الرسائل : 2409
    العمر : 36
    تاريخ التسجيل : 14/09/2007
    نقاط : 2004
    السٌّمعَة : 12
    الاوسمه : وسام الابداع
    • مساهمة رقم 19

    هام رد: لا للتحرش الجنسي بالمرأه

    مُساهمة من طرف el azony 10.08.09 16:14

    محدش رد برضه على راييى فى الاجتماع اللى انا بقترحه كل اسبوع للاداره علشان نناقش احوال المنتدى
    • الرجوع الى أعلى الصفحة
    SARA
    SARA
    SARA
    مديرة قسم المرأه العربية
    مديرة قسم المرأه العربية


    انثى
    الابراج : الحمل
    عدد الرسائل : 936
    العمر : 33
    تاريخ التسجيل : 09/11/2007
    نقاط : 361
    السٌّمعَة : 3
    الاوسمه : ملكه الازياء
    • مساهمة رقم 20

    هام رد: لا للتحرش الجنسي بالمرأه

    مُساهمة من طرف SARA 10.08.09 16:27

    اناموافقه
    • الرجوع الى أعلى الصفحة
    el azony
    el azony
    el azony
    نائب الرئيس
    نائب الرئيس


    ذكر
    الابراج : العذراء
    عدد الرسائل : 2409
    العمر : 36
    تاريخ التسجيل : 14/09/2007
    نقاط : 2004
    السٌّمعَة : 12
    الاوسمه : وسام الابداع
    • مساهمة رقم 21

    هام رد: لا للتحرش الجنسي بالمرأه

    مُساهمة من طرف el azony 11.08.09 16:08

    وفين باقى الاعضاء
    • الرجوع الى أعلى الصفحة

      الوقت/التاريخ الآن هو 20.09.24 23:18